बन्द गर नारी शरीरको बजारीकरण !

कृति लामा

वर्तमान समयमा नारी शरीर कुनै पनि वस्तु बिक्री गराउनको निम्ति मसला जस्तै भएको छ चाहे त्यो पुरुषहरूको दाह्री काट्ने बिलेट होस्, वा मोटरबाइक होस् वा पुरुषहरूको निम्ति बनाइएको बडी स्प्रे यी सबै विज्ञापनमा नारीहरूलाई पनि एउटा वस्तुको रूपमा प्रस्तुत गरिन्छ, जस्तो कि ती केटीहरूको कुनै चेतनानै छैन। फेरी त्यही विज्ञापनले एउटा केटी सुन्दर भए, गोरी भए मात्रै सफलता पाउन सक्छ भनेर पनि सिकाउछ।  बजारमा झुण्ड्याइएको लुगा र सोन्दर्य प्रसाधने भन्छ कि एउटा आदर्श केटी देखिनुको लागि के गर्न पर्छ। नारीहरूलाई केवल उपभोग गर्न सकिने वस्तुको रूपमा स्थापित गरिएको छ वर्तमान समाजमा। हिज अस्ती फास्टट्रयाक कम्पनिद्वारा दिएको विज्ञापनमा एउटा नग्न केटीलाई फिताले मात्र बाधेर घड़ी, चशमा, अनि ब्यागमा २०% छुट भनेर दिइएको छ तर यसमा त्यो केटीले कुनै घड़ी, चस्मा देखाएको छैन बरू उसले केवल उसको अंग मात्र देखाएको छ।

अहिले सबैले अनुभव गर्दैछन् कि नारीलाई लाभ,फायदाको वस्तुको रूपमा हेरिन्छ र सबै सचेत समाज, संगठनहरुले यसको विरोधमा आवाज पनि उठाई रहेका छन्। यो विज्ञापन दिइएको नग्न नारी मात्र हाम्रो समस्या होइन तर यसमा नारीको शरीरमा लगाइएको ‘बिक्रि २०% छुट’ को फिता पनि हाम्रो समस्या हो। नारीहरू लाई आफूले चाहिएको लुगा लगाउने अधिकार छ। छोटो लुगा लगाउदामै यौन शोषण हुन्छ भन्ने धारणा पनि हटाउनु पनि आवश्यक छ।

पुराना संस्था जस्तै बिरभूममा भएको “खाप पंचायत” र “सैलिशी सभा” ले नारीमाथि गरेको अत्याचार अनि आधुनिक विज्ञापनले गरेको नारी शरीरको बजारीकरणले समाजमा यौन शोषणको मात्रालाई दैनन्दिन बढाई रहेको छ। हामीले सुने अनुसार दिल्लीमा फास्टट्रयाक विज्ञापनको प्रतिवाद गर्दा “दिल्ली मेट्रो अथोरीटि”ले यो विज्ञापनलाई हटाउने निर्णय गरे। साथै हामी प. बंगाल सरकार, सरकारी पुलिस र राज्यको नारी कार्यलयलाई यसको विरोधमा केहि कडा निर्णय लिने मांग गर्दछौ। जुन विज्ञापनमा लिङ सम्बन्धि वस्तु नारीहरूको शरीरलाई साथ साथै तिनीहरुको शरीरलाई लाभको रूपमा उपयोग गरेको छ यी सबैलाई जनसाधारणले पनि हटाउने आनुरोध गर्न पर्छ।